miércoles, 20 de diciembre de 2017

MON LENDOIRO

PERSEVERANZA
A PROPÓSITO DE “PEQUENOS MOMENTIÑOS DE FELICIDADE”

EXPOSICIÓN DE MON LENDOIRO

NA GALERÍA  ESTUDO GARABATO
(Do 16 de decembro ao 26 de xaneiro de 2018)

CARBALLO (A CORUÑA)





Se tivera que definir cunha soa palabra a Mon Lendoiro diría que non é moi doado, pero se non teño máis remedio, quizais perseveranza sería a máis acaída.

Perseveranza: persistir nunha maneira de ser ou de obrar, insistir, ademais de durar moito tempo, recolle o Xerais como significado. Perseveranza, é dicir, Mon Lendoiro.




Non busca transcender, ou así mo parece, nin coa súa obra, nin co seu comportamento vital, pero loita por conquistar ese espazo propio no que poder desenrolar toda esa creatividade e inquietude que bule no seu maxín. Gústanlle as cousas pequenas, directas, sen subterfuxios. E cando se enfronta a grandes tarefas, é dos que tiran do carro, en grupo, pero na vangarda, sen medo a fracasar porque sabe que co esforzo todo se pode lograr.

Aí están, para demostralo, o Colectivo Crea formas, os murais de Derrubando muros con pintura, os libros ilustrados, e as innumerábeis exposicións individuais e colectivas. Sen esquecer, por suposto, o que considero esa aposta, tan arriscada como necesaria, ou case imprescindíbel, para a vida cultural de Carballo, como é a Galería Estudo Garabato.   


A súa obra pictórica é moi persoal. Entre un naif con certas connotacións hippies e un pop art colorista e tenro, está chea de significados e sentimentos, como ben se pode comprobar nesta exposición individual. Eses pequenos momentos de felicidade allea e persoal que impregna de sensibilidade a mirada máis esquiva.

Parabéns e grazas, Mon Lendoiro. E segue perseverando...

Salud



SANTIAGO PAZOS

No hay comentarios: